Уйҙарың - яҡты, күңелең тыныс булһын!

Илкәнәй ауылы
Беҙҙең өсөн һөйөклө тормош иптәшем, атайыбыҙ, яратҡан олатайыбыҙ – Радик Рәфҡәт улы МӨХӘМӘТШИН үҙенең 55 йәшлек юбилейын билдәләй.
Ҡәҙерле кешебеҙ, һине матур ғүмер байрамың менән ҡотлап йөрәк түребеҙҙән сыҡҡан иң изге, иң матур теләктәребеҙҙе юллайбыҙ!
Яҡыныбыҙға ҡоростай ныҡлы һаулыҡ, оҙон бәхетле ғүмер, аҡ бәхеттәр, йән тыныслығы, иҫәнлек-һаулыҡта ғүмер итеп, ҡайғы-хәсрәт күрмәй оҙон-оҙаҡ йәшәүен теләйбеҙ. Киләсәктә лә бөгөнгө кеүек оло йөрәкле, киң күңелле терәгебеҙ булып, балаларыңдың, яҡындарыңдың изгелектәрен күреп, оҙон-оҙаҡ йәшәргә насип булһын. Иртәләрең - ҡояшлы, көндәрең - аяҙ, кистәрең - айлы, уйҙарың - яҡты, күңелең тыныс булһын.
Ҡотло булһын һинең юбилейың,
Бәхет-шатлыҡ килһен ишелеп.
Ҡайғы-хәсрәт һәр саҡ урап үтһен
Һин йәшәгән өйҙөң ишеген.
Сәләмәтлек ташламаһын һине,
Һәр бер көнөң үтһен шатлыҡта.
Йәшәү йәме, донъя именлеге
Юлдаш булһын һиңә һәр саҡта.
Иң изге теләктәр менән тормош иптәшең Гүзәл һәм балаларың.