Йөҙ йәшкәсә һине еткерһен!

Яңы Таймаҫ ауылы
Ҡәҙерле, мәрхәмәтле, ярҙамсыл, етеҙ, тырыш булған класташыбыҙ Рәйлә Йәүҙәт ҡыҙы МӘҺӘҘИЕВАны күркәм юбилейы менән ысын күңелдән тәбрикләйбеҙ һәм иң изге теләктәребеҙҙе еткерәбеҙ.
Рәйлә Йәүҙәт ҡыҙы - һәр ваҡыт ихтирамлы, иғтибарлы булған, ауыр саҡта ла тәүгеләрҙән булып килеп етеп, хәлдәр белешеп, йылы һүҙҙәрен йәлләмәй, ярҙам ҡулы һуҙыусы класташыбыҙ ул. Ҡыуаныстарыбыҙ менән дә бүлешеп, барыһы менән дә матур итеп аралашып дуҫ һәм берҙәм йәшәүсе терәгебеҙ.
Хҡрмәтле Рәйләбеҙгә иң мөһиме - ныҡлы һаулыҡ, ҡурай моңондай оҙон бәхетле ғүмер, күтәреңке кәйеф, ғаилә именлеге теләйбеҙ! Һәр көнөң йыр кеүек матур, ҡояш кеүек яҡты, тыуасаҡ таңдарың һәр ваҡыт нурлы, күк йөҙөң аяҙ булһын, йәшәү йылдарың өмөт менән тулы булып, ғүмер йомғаҡтарың шатлыҡ-һөйөнөстәргә генә тулып тәгәрәһен. Яҡындарыңдың терәк-таянысы булып, уларҙың изгелектәрен күреп, ихтирамға төрөнөп, тирә-яҡҡа йәм өҫтәп, нур һибеп, матур йәшәргә насип булһын.
Киләсәктә лә киң күңелле, асыҡ йөҙлө, оло йөрәкле булып ҡал! Беҙ һине хөрмәт итәбеҙ, яратабыҙ!
Тыуған көн – ҡәҙер, хөрмәт көнө,
Ысын күңелдән һине ҡотлайбыҙ!
Сәләмәтлек, күңел тыныслығы,
Бәхет - ҡыуаныстар юллайбыҙ!
Тыуыр көндәр һиңә илһам биреп,
Шатлыҡ, бәхет, уңыш килтерһен.
Хоҙай һаулыҡ, оҙон ғүмер биреп,
Йөҙ йәшкәсә һине еткерһен!
Барлыҡ класташтары исеменән Яҡшымбәт ауылында йәшәүсе класташың Рәхилә.