Ең һыҙғанып йәшәр саҡ ҡына

Иң мөһиме һиңә ныҡлы һаулыҡ, парлы, оҙон бәхетле ғүмер, ғаилә бәхете, балалар ҡыуанысы теләйбеҙ. Бынан тап 35 йыл элек беҙ һиңә иң ҡиммәтле бүләк – ғүмер бирҙек. Бүләгеңде юҡҡа сарыф итмә, уны бәхетле көндәргә, изгелеккә, мөхәббәткә тултырып йәшә!
Тормош һуҡмағынан атлағанда, тик яҡшылыҡҡа ғына булған ышаныс, донъяға ҡарата изгелек һәм киң күңеллелек, бигерәк тә, мөхәббәт һинең менән йәнәш атлаһын. Сөнки тап мөхәббәт беҙҙе көслө итә. Тормош, бәлки, ябай әйбер түгелдер ҙә, тик беҙ бит уның тәмен тойор өсөн йәшәйбеҙ. Һин дә уның тәмен тойоп, тулҡындары менән ярышып, тулы бәхеткә ҡойоноп йәшә.
35 йәш - ул йәшлектең иң көслө, дәртле, иҫ китмәле шәп сағы. Гел шулай көслө рухлы, туған йәнле, йомарт һәм ярҙамсыл булып ҡал.
Аҡыллы, алсаҡ, изге күңелле ҡыҙыбыҙға алдағы тормошонда күңел тыныслығы, иман байлығы, кейәү, балалар, туғандар менан бәхетле булып, ғаилә именлегендә ҡыуаныс-шатлыҡтар менән йәшәргә яҙһын! Киләсәк йылдарың өмөт менән тулы булып, ғүмер йомғағың тик бәхеткә, шатлыҡ-һөйөнөстәргә генә сорналып үтһен. Барлыҡ уй-теләктәреңдең тормошҡа ашыуын теләйбеҙ!
Сәскә бәйләмдәре бүләк итһәк,
Нәфис сәскәләр тиҙ ҡорор ул.
Йөрәк йылыбыҙҙы бүләк итһәк,
Һыуынмаҫтыр, йылы торор ул.
Тәбрикләйбеҙ юбилейың менән,
35 йәш – сәскә саҡ ҡына.
Ташып торған йәшлек дәрте менән
Ең һыҙғанып йәшәр саҡ ҡына.
Күңелеңдән яҡты ҡояш наҙы,
Бәхет нуры һис тә китмәһен.
Шат йылмайып ҡаршы ал һин
Ғүмереңден һәр бер иртәһен!
Беҙ һине яратабыҙ!
Иң изге ҡотлауҙар юллап атайың Ринат, әсәйең Әлфинур.