Ҡыуаныстар килһен урғылып!

Хөрмәтле коллегабыҙ Әнүр Әкрәм улы КҮСӘПОВты 65 күркәм юбилейы менән ихлас күңелдән ҡайнар ҡотлайбыҙ!
Тырыш, алсаҡ, һәр кешенең күңеленә үтеп инә белгән, үҙ эшен намыҫлы башҡарған коллегабыҙҙы барлыҡ ауылыбыҙ халҡы ла, коллегалары ла бик ихтирам итә.
Хөрмәтле, Әнүр Әкрәм улы, һеҙ үҙ яҙмышығыҙҙы кеше ғүмере өсөн яуаплылыҡ, хәстәрлек һәм итәғәтлелек талап иткән һөнәрҙәрҙең береһе менән бәйләгәнһегеҙ. Гиппократ антына тоғро ҡалып, халыҡҡа иң ауыр минуттарҙа ярҙамға киләһегеҙ, донъялағы иң мөһим байлыҡты – кеше һаулығын һәм ғүмерен һаҡлап ҡалаһығыҙ. Эшегеҙҙә һәм тормошоғоҙҙа һәр саҡ уңыштар ғына насип булһын. Шәхси тормошоғоҙҙа, балаларығыҙҙың бәхеттәренә һәм уңыштарына һөйөнөп, йәшәргә яҙһын. Һәр саҡ шулай алсаҡ йөҙлө, шат күңелле булығыҙ. Янығыҙҙа һеҙҙе яратҡан, хөрмәт иткән яҡындарығыҙ булһын, һәр көнөгөҙ шатлыҡ-ҡыуаныстар менән үтһен.
Һыҙылып атҡан сихри алһыу таңдар,
Килһен һеҙгә ҡояш, нур булып.
Сәләмәтлек, бәхет юлдаш булһын,
Ҡыуаныстар килһен урғылып!
Тыуған көнөгөҙ һымаҡ йәмле булһын
Йәшәр йылдарығыҙҙың ағышы.
Дәрт-дарманлы булһын хыялдарығыҙ
Йәшәр өсөн ҡанат ҡағышы.
Иң изге теләктәр менән Яҡшымбәт һаулыҡ һаҡлау амбулаторияһы коллективы