Эрудициялы инәйебеҙ

Унда беҙҙе алдынғы уҡытыусылар: Пешехонов Александр, Рудакова Людмила, Левашов Сергей һ.б. уҡытты. Һуңынан, 1987-1992 йылдарҙа, Башҡорт дәүләт университетының физика факультеты студенты булып киттем. Шул ваҡыттан алып 30 йыл үтһә лә күңелемдә йәшлектең иң ҡыҙыҡлы һәм бәхетле йылдары мәңгелеккә ҡалды. Беҙҙең факультет 75 кешенән торҙо, әммә беҙ бер ҙур һәм татыу ғаилә һымаҡ булдыҡ. Ятаҡта күңелле һәм дуҫ йәшәнек. Йәйгеһен төҙөлөш отрядында эшләнек, демонстрацияларға йөрөнөк, йәмәғәт эше менән шөғөлләндек. Тормошта кәрәкле характер һыҙаттарын тәрбиәләгән, беҙгә тәрән белем биргән иң яҡшы һәм аҡыллы уҡытыусыларыбыҙҙы һәр ваҡыт яҡшы һүҙҙәр менән иҫкә алам. Мин үҙем дә тырышып уҡыным, юғары стипендия алдым", - тип һөйләй Рәзилә Исмәғилева.
Рәзилә Ғиниәтулла ҡыҙы юғары уҡыу йортон тамамлағандан һуң, 1992 йылда, үҙенең хеҙмәт эшмәкәрлеген Яҡшымбәт ауылының урта дөйөм белем биреү мәктәбендә математика, физика һәм информатика уҡытыусыһы булып башлай. Класс етәксеһе булараҡ, ике класс уҡыусыларын сығара, һуңынан уҡыу эштәре буйынса директор урынбаҫары була. 2007 йылда 3-сө Башҡорт республика гимназия-интернатына информатика, физика уҡытыусыһы һәм бер үк ваҡытта фәнни-методик эштәр буйынса директор урынбаҫары итеп эшкә алына...

Регина ФАТҠУЛЛИНА, Карина БИКҠУЗИНА, Гөлнара СӘЙФУЛЛИНА

Хат тулы вариантта гәзиттә баҫылды.