Ағиҙел йылғаһындай оҙон ғүмер, бәхет-шатлыҡтарға тулы көндәр теләйбеҙ!

Кинйәбай ауылы
Минең иң ҡәҙерле тормош иптәшем, хәстәрлекле, яратҡан атайыбыҙ - Юныс Юрис улы АБДУЛЛИНды йәшлегенең күркәм байрамы - 35 йәшлек юбилейы менән ихлас күңелдән ҡотлайбыҙ!
Ҡәҙерлебеҙ, беҙ һинең тырышлығыңа, хеҙмәтһөйөүсән булыуыңа, яҡындарыңды гелән хәстәрләп тороуыңа таң ҡалабыҙ. Минең өсөн яратҡан, тоғро тормош иптәшем, балаларыбыҙ өсөн иң яҡшы, үрнәк атай, әсәйең өсөн иң якшы, хәстәрлекле ул һин, ҡәҙерлебеҙ. Беҙ һинең менән ғорурланабыҙ, яратабыҙ һәм ошо матур байрамыңда барыһы өсөн дә һиңә оло рәхмәтебеҙҙе белдерәбеҙ!
Ҡәҙерлебеҙ, һиңә ҡоростай ныҡлы һаулыҡ, Ағиҙел йылғаһындай оҙон ғүмер, бәхет-шатлыҡтарға тулы көндәр теләйбеҙ. Эшләгән эштәрең һәр ваҡыт уңып торһон, хыялдарың, алдыңа ҡуйылған маҡсаттарың гел шулай тормошҡа ашһын, юлдарыңда яҡшы кешеләр генә осраһын.
Юбилейың менән тәбрикләйбеҙ,
Сәләмәтлек теләп иң элек.
Һәр саҡ көнөң үтһен бәхет менән,
Йәшә шатлыҡтарға күмелеп.
Тәбиғәттән изге күңел менән
Тыуғанһың һин бары яҡшыға
Фәрештәләр ике ҡанат йәйеп
Һәр саҡ торһон һинең ҡаршыңда.
Иң изге теләктәр менән тормош иптәшең Гөлиә, улдарың Юргиз, Рәсим, ҡыҙҙарың Эмелия, Инзира, Йәсминә, әсәйең Фирҙәүес һәм барлыҡ туғандарың.