Бәрәкәтле, мул тормош һәм һәр ваҡыт уңыш йылмайыуын теләйбеҙ!

Абдул ауылы
Беҙҙең өсөн ҡәҙерле һәм яҡын кешебеҙ, һөйөклө тормош иптәшем, яратҡан атайыбыҙ, хәстәрлекле олатайыбыҙ һәм ағайыбыҙ - Ғәни Фәрит улы ХӘЙБУЛЛИНды ғүмеренең күркәм байрамы - 65 йәшлек юбилейы менән ҡайнар ҡотлайбыҙ!
Ғәни Фәрит улы һайлаған һөнәренә оҙаҡ йылдар тоғро ҡалып токарь һөнәрен лайыҡлы башҡарҙы. Йәш сағында Салауат оптика-механика заводында эшләй, унан һуң өлкәнәйә килә тыуған яҡтарына ҡайтып, "Искра" ауыл хужалығы етештереү кооперацияһында эшләй.
Беҙҙең ҡәҙерлебеҙ шул тиклем тырыш, эшһөйәр, ғәҙел һәм кешелекле. Ул бөгөнгө көндә лә ауыл тормошонда ҡайнап йәшәй, тыуған ауылының яҙмышына битараф түгел.
Беҙ яҡын кешебеҙгә ошо ғүмер байрамында күңел алсаҡлығы, тырышлыҡтары, намыҫлы хеҙмәте, ғаиләһе, яҡындары өсөн тырышҡаны өсөн баш эйеп, оло рәхмәттәребеҙҙе юллайбыҙ!
Ҡәҙерлебеҙ, һиңә ныҡлы һаулыҡ, бәхетле көндәр, күңел тыныслығы, бәрәкәтле, мул тормош һәм һәр ваҡыт та уңыш йылмайыуын теләйбеҙ!
Беҙ теләйбеҙ һиңә оҙон ғүмер,
Шатлыҡтарҙың иң-иң олоһон.
Бәхеттәрҙең мәңгелеген генә,
Ә ғүмерҙең яҡты нурлыһын.
Күңел күгең һәр саҡ аяҙ булһын,
Ситләп үтһен һағыш-борсоуҙар.
Ныҡлы сәләмәтлек юлдаш булһын,
Унан ҡәҙерлерәк нимә бар.
Иң изге теләктәр менән тормош иптәшең Әлфиә, улдарың Азамат, Алмаз, килендәрең Гөлназ, Альбина, ейән-ейәнсәрҙәрең Карина, Дилара, Хәсән, Саида һәм мырҙаларың Фәнил менән Идиял.