Ярҙамдарың үҙеңә кире әйләнеп ҡайтһын

Түбәнге Баба ауылы
Беҙҙең өсөн ҡәҙерле булған, яҡын кешебеҙ, һөйөклө тормош иптәшем, яратҡан әсәйебеҙ, хәстәрлекле ҡәйнәбеҙ, өләсәйебеҙ - Тимербикә Заһретдин ҡыҙы ЧУРАКОВАны - 65 йәшлек күркәм юбилейы менән ихлас күңелдән ҡайнар ҡотлайбыҙ!
Беҙҙең ҡәҙерлебеҙ изге күңелле, ярҙамсыл, ҡунаҡсыл хужабикә, ғаиләһе, туғандары тип, ейән-ейәнсәрҙәре өсөн йән атып тороусы өләсәй. Яҡыныбыҙға ҡаҡшамаҫ сәләмәтлек, күңел тыныслығында, бәрәкәттә, бәхеттә, татыулыҡта пар ҡанатың менән йәшәүеңде теләйбеҙ. Һәр ваҡыт та алдағы көнгә өмөт бағлап, тормоштан йәм-тәм, ирең, балаларыңдың ҡәҙер-хөрмәтен, хәстәрлеген тойоп, уларҙың уңыштарына һөйөнөп йәшә. Изгелегең, ихлас хәстәрләрең, ярҙамдарың үҙеңә кире әйләнеп ҡайтһын. Донъя мәшәҡәттәренән арымай-талмай, шатлыҡ-ҡыуаныстарҙа туғандар менән йәшәүеңде теләйбеҙ.
Беҙ теләйбеҙ һиңә оҙон ғүмер,
Шатлыҡтарҙың иң-иң олоһон.
Бәхеттәрҙең мәңгелеген генә,
Ә ғүмерҙең яҡты нурлыһын.
Күңел күгең һәр саҡ аяҙ булһын,
Ситләп үтһен һағыш-борсоуҙар.
Ныҡлы сәләмәтлек юлдаш булһын,
Унан ҡәҙерлерәк нимә бар.
Иң изге теләктәр менән тормош иптәшең Таңатар, улың Илфат, киленең Сөмбөл, улың Айрат, киленең Лилиә, улың Данияр, киленең Сәлимә һәм ейән-ейәнсәрҙәрең.