Тормош юлың мөхәббәткә, йылылыҡҡа, наҙға төрөнһөн

Ялсыҡай ауылында тыуып үҫкән, бөгөнгө көндә ғаиләһе менән Салауат ҡалаһында йәшәүсе ҡәҙерле кешебеҙ, һөйөклө улым, хәстәрлекле абзыйыбыҙ, балаларыбыҙҙың яратҡан бабайы - Радик Хәсән улы БАЙҒУЗИНды күркәм ғүмер байрамы - 50 йәшлек юбилейы менән ҡотлап йөрәк түребеҙҙәге иң йылы, иң изге теләктәребеҙҙе юллайбыҙ!
Тырыш, уңған, ҡуйылған маҡсаттарына ирешеүсән, изге күңелле, туған йәнле, ярҙамсыл ҡәҙерле кешебеҙгә - һаулыҡтың иң ныҡлыһын, бәхеттең - иң олоһон, ғүмерҙең иң оҙонон теләйбеҙ. Киләсәк көндәрең өмөт менән тулы булһын, ғүмер йомғағың шатлыҡ-һөйөнөстәргә генә тулып тәгәрәһен. Һиңә ныҡлы сәләмәтлек, күңел тыныслығы, ҡайғы-хәсрәтһеҙ көндәр, аҡ бәхеттәр, беҙҙең күңел йылыһын тойоп, бәхетле оҙон ғүмер кисереүеңде теләйбеҙ.
Киләсәгең йыр кеүек матур, ҡояш кеүек яҡты, тыуасаҡ таңдарың нурлы, күк йөҙөң һәр ваҡыт аяҙ булһын. Гел шулай йылмайып, кешеләрҙе һөйөндөрөп, ҡәҙер хөрмәттә йәшә. Тормош юлың мөхәббәткә, йылылыҡҡа, наҙға төрөлөп үтһен, алдыңа ҡуйған маҡсаттарың гел шулай тормошҡа ашып торһон, Гөлсия киленебеҙ, еңгәбеҙ, баларың менән бәхетле тормошта оҙон-оҙаҡ, ҡыуаныстарға төрөнөп кенә йәшә лә йәшә!
Юбилейың менән тәбрикләйбеҙ,
Сәләмәтлек теләп иң элек.
Һәр саҡ көнөң үтһен бәхет менән,
Йәшә шатлыҡтарға күмелеп.
Тәбиғәттән изге күңел менән
Тыуғанһың һин бары яҡшыға
Фәрештәләр ике ҡанат йәйеп
Һәр саҡ торһон һинең ҡаршыңда.
Иң изге теләктәр менән әсәйең һәм туғандарың, уларҙың балалары.