Булыр!

Бөтәһе лә беҙ тигәнсә булыр!
Хаҡлыҡ беҙҙең яҡта сағында.
Кистәребеҙ моңһоу булғанда ла,
Бәхет көтөр барыбер таңында!
Яҡшы булған ерҙә насар ҙа бар,
Еңеү булған ерҙә - еңелеү,
Шатлыҡтарҙы һағыш алыштыра,
Һөйөү булған ерҙә бар көйөү...
Бөтәһе лә - тормош! Бары күңел
Ғәмһеҙлеккә генә күнмәһен!
Тормошоңа өмөт - ышанысың,
Йөрәктә дәрт кенә һүнмәһен!
Ҡыш артынан һәр саҡ яҙ килгәндәй,
Моң - зарҙарҙы еңер наҙ булыр...
Бөтәһе лә беҙ тигәнсә булыр!
Моңһоу эңер яҡты таң булыр!
Сәкинә Тотманова