Иғтибар үҙәгендә өс ауыл

Көн насар тип торманылар (етмәһә, ҡайҙарҙан йөрөргә бит әле – Яҡшымбәт, Свобода юлдары), Рәшит Кәлимуллинды эйәртеп сыҡты ла киттеләр  - Яҡут, Яҡшымбәт, Кинйә-Абыҙ ауылдарына. Ниңә тап ошо өс ауыл ҡыҙыҡһындыра хәбәрсене, әйтмәһәк тә билдәле: тап ошо өсәү «Айыҡ ауыл» конкурсында еңеп сыҡҡайны. Конкурстан һуң ауылдарҙа тормош нисек булып киткән, халыҡ нисек йәшәй, эсеп ятҡан кеше юҡмы, отҡан, яулап алған аҡсаны нисек тотонғандар –  Рәшит Шәрифулла улын барыһы ла ҡыҙыҡһындырған. Тәҫьраттары нисек, ниндәй уйҙар уйлап, фекер төйнәп ҡайтып китте журналист – мәҡәләһе баҫылғас күрербеҙ.