Көйөргәҙелә тиҙҙән кем ҡалыр?

Башҡортостанда былтыр 32 968 бала донъяға килгән, был һан унан алдағы йылға ҡарағанда 6,8%-ҡа аҙыраҡ.
Тыуым ни бары 8 муниципалитетта ғына артҡан. Көйөргәҙе районы, ҡыҙғаныс, насар зонаға эләккән: беҙҙең районда 1000 кешегә тыуым күрһәткесе 6,2 һанын тәшкил итә (республикала – 8,1).
Башҡортостанда 2024 йылда 51 214 кеше үлгән, был һан алдағы йыл менән сағыштырғанда 7,4%-ҡа күберәк. Республиканың 13 районы халыҡтың теге донъяға күпләп китеүе йәһәтенән иң насары тип табылған. Был алама исемлектә Көйөргәҙе районы ла бар (республиканың үлем күрһәткесенән 1,3-1,4 тапҡырға юғары).