Отолоуҙар менән отоштар, юғалтыу һәм табыштар

Ҡайҙа ашығалыр был ғүмер - әле генә Яңы йыл табына артында ултыра инек тә баһа! Инде быйылғыһына йомғаҡ яһар мәл дә еткән. "Юшатыр" гәзите, үҙ фекеренсә, 2025 йылдың район-ҡалалағы мөһим ваҡиғаларҙы барланы. Табыштар ҙа булды, юғалтыуҙар ҙа (иң ҙур, күңелде яралағаны - егеттәрҙе күпләп ерләнек). Ҡайһылыр ерҙә отҡанбыҙ, икенсеһендә отолғанбыҙ. 

...Яңы йылға аяҡ баҫҡан мәлдә, быйылғы артынан ишекте япҡанда, һәр саҡтағыса теләк теләйбеҙ: уңышлы кил, Яңы йыл, илгә, һәр йортҡа, йәндәребеҙгә тыныслыҡ килтер.