Ниңә һуңыраҡ тыуманым икән?

Башҡорт йәштәрен үҫтереүгә йүнәлтелгән проект был. Йәштәр тураһында һүҙ барғанда, Камиланың исеме яңғырамаһа, ғәжәп булыр ине. Ысынлап та, был проектың уртаһында беҙҙең һылыуыбыҙ, Яҡшымбәт ҡыҙы Камила Бикмаева ҡайнап йөрөй. Бөгөн ул был турала Сәләмдә һөйләне. Йәш кеше ниндәй булырға тейеш: дәртле, бер аяғын күтәргәнсе икенсеһен эт ашай торған кеше түгел, идеялы, бай. Бай тигәндә, рухи яҡтан да, матди яҡтан да бай булырға тейеш тигәнде аңлата. 

Камиланы тыңлай торғас, бер генә уй-үкенес тыуҙы: ниңә бер нисә йылға һуңыраҡ тыуманың икән?