Ихлас ҡыҙҙар

Алтау улар. Алтау ғына булһалар ҙа, йөҙ кешегә биргеһеҙ ҡыҙҙар. Һеҙ уларҙы ҡалала үткән һәр мәҙәни сарала, 2021 йылдан алып, күрәһегеҙ. "Ихлас" вокал ансамбле (етәксеһе Айгөл Ильясова) һандуғастары. Матур, талантлы булыуҙары өҫтөнә, ныҡ егәрле, ныҡыш был ҡыҙҙар - кисә 9 май байрамын ғына алғанда ла, иртәнән кискә тиклем сығыш яһап йөрөнөләр, кисен, етмәһә, ҡар яуҙы ла ебәрҙе, артист кеше бындайға ғына бирешәме, йырланылар (видеолары төркөмдә булды). Тамашасы таң ҡалды - Күмертауҙа телен дә, мәҙәниәтен дә онотмаған һәләтле балалар бар икән, бигерәк шәптәр.