Бөтә яңылыҡтар
Ҡыуаныслы ваҡиға
11 Июль , 09:21

Ауылыбыҙға һалдат ҡайтты!

Һөйөнсө!

Ауылыбыҙға һалдат ҡайтты!
Ауылыбыҙға һалдат ҡайтты!
Ильяс Морат улы һәм Ләйлә Ирек ҡыҙы Хисамовтарҙың уртансы улдары Вилдан Ватан алдындағы изге бурысын лайыҡлы үтәп тыуған йортона имен-һау әйләнеп ҡайтты. Бөйөк еңеүҙең 80 йыллығына арналған парадта ла ҡатнашты Вилдан. Беҙҙең Аллабирҙенән Мәскәүҙә уҙғарылған парадта икенсе ҡатнашыусы һалдат ул.
Һәр ата-әсә өсөн бала ғәзиз. Матур хеҙмәт итте Вилдан, ата-әсәһе улының командирынан рәхмәт хаты алып һөйөндө. Эйе, матур тәрбиә татыу ғаиләлә һалына. Улдары өсөн атай, ҡыҙҙар өсөн әсә үрнәк булып тора. Хисамовтарҙың балалары әҙәпле, инсафлы,ихтирамлы.
Артабан да уңыштар, ошо тәртиптәре менән ғүмер юлын үтһендәр.
 
Сания Ҡузбаева, Ырымбур өлкәһе, Төйлөгән районы, Аллабирҙе ауылы
 
Автор:
Читайте нас