Баҫҡан урынында ут уйнай

Һөйләгән яңылыҡтарын ауыҙ асып тыңлайбыҙ: йә Өфөлә конкурста йөрөп ҡайтҡан, йә Күмертау сәхнәһен “дер” һелкеткән, йә яңы йыр яҙып ташлаған. Унан йырлап, бейеп тә күрһәтһә, ағайыбыҙҙың ыңғай энергияһы бөтәбеҙҙең дә күңелен күтәреп ебәрә.
Бәләкәйҙән йыр – бейеүгә, гармун моңона, әҙәбиәткә ғашиҡ ғаиләлә тыуып үҫә Әхиәр Шәйәхмәтов. Бөгөн, 75-те артылғанда ла ошо күңел байлығын һаҡлай, ҡәҙерләп үҫтерә. Нимәгә тотонһа - шуны күңел биреп, ысын оҫталарса башҡара ул. Шиғыр-йыр яҙыу тиһеңме, уны музыкаға һалыу, биҙәү, сәхнәлә, бәйгеләрҙә башҡарыу тиһеңме - бөтәһен дә булдыра Әхиәр Сәмиғулла улы. Күмертау яҙыусылар ойошмаһы, Кинйә Арыҫланов исемендәге башҡорт халыҡ фольклор ансамбленең әүҙем ағзаһы, Башҡортостан радио-телевидение тапшырыуҙары лауреаты ла ул. Әхиәр Шәйәхмәтовтың ижады боронғо ҡобайырҙарҙан алып заманса рэп үҙенсәлектәрен берләштерә...

Рима АРЫҪЛАНОВА, Күмертау ҡалаһы һәм Көйөргәҙе районы яҙыусылар ойошмаһы рәйесе

Хат тулы вариантта гәзиттә баҫылды.