Нью-Зәк-Ишмәт

Ысынында, бик белеп тә бармайбыҙ, мәҫәлән, инглиз, Америка йә немец яҙыусыһы әҫәрен уҡыйбыҙ икән, быны кем руссаға, башҡортсаға күсергән тип, китапты әйләндергеләп, тикшереп ултырыусылар һирәктер. Йәл. Тәржемәсенән күп нәмә тора, бөйөк әҫәрҙе лә юҡҡа сығара йә, бик шәптән булмағанын, шәп итеп эшләп ҡуя ала.
Бынан ары, башҡа телдән ауҙарылған китапты уҡыр булһағыҙ, мотлаҡ кем тәржемә иткәнен ҡарағыҙ. Унда Гөлназ Әҙеһәмова тигән исем тороуы бик ихтимал. Бөтөн илгә дан алған тәржемәсе лә ул. Башҡорт яҙыусылары әҫәрҙәрен руссаға ауҙара.