+20 °С
Ясно
Өмәләр
19 Апреля 2021, 11:39
Яман шәп халыҡ
Ҡайҙалыр ситтәрәк йөрөгәндә, «Һин ҡайҙан» тип һорайһы итһәләр, «Мин Яманһарынан» тигәнде ишеткәс, шунда уҡ башҡа күҙ төшөрәләр, сәстең һары булмағанын күргәс, башҡа тирәне ҡапшайҙар – ҡайһы ере бының ныҡ һары икән?
Ысынында, Яманһарыла алаһы ла ҡолаһы ла бар. Һап-һары сәслеһе лә осрай, сөм ҡараһы ла бар, күҙҙәр ҙә төрлө ҡара, зәңгәр, һоро... Һуңғы мәлдә генә аҡ сәслеләр күбәйҙе.
Яманһарыларҙы, улар ниндәй төҫтә булһа ла, бер нәмә берләштерә: берҙәмлек. Нимә башҡарһалар ҙа бергә дәррәү тотона. Был хәлгә миҫалдар етерлек – зыяраттарын райондағы иң ҙур хаҡҡа кәртәләнеләр, береһе лә үткәрә алмаған һыуҙарын үткәрҙеләр. Бына әле лә өмә тигәс, ҡыбырлай алған барыһы тышҡа сыҡты. Афарин, яманһарылар, һеҙ - яман шәп халыҡ.
