+15 °С
Дождь
Өмәләр
5 Мая 2021, 06:28
Брендлы ауыл
Ҡансыра тигән бренд бар. Ҡайҙа эшләйһең - Ҡансыра подземгазында (былай тиһәң, һиңә көнләшеп ҡарайҙар - ниндәйҙер блаты бар бының), ҡайҙа киттең - Ҡансыра мунсаһына.
Иң шәп, руссалап әйтһәк, востребованный ауыл ул - Ҡансыра. Ҡалаға атлап та барырға була. Дөрөҫ, юлдары әлегә бик шәптән түгел, үргә менгәне бөтөнләй картала юҡ. Бурандар йыш иҫә, ошо юлды күмә лә китә, быныһы ла бер бәлә. Мал көтөргә яландар етмәй тиҙәр ине, яңыраҡ бер Ҡансыра кешеһе, етә, мал аҙая тип тынысландырҙы. Һыу менән дә проблема йыл да ҡабатлана. Быларына күнегелгән, бөтә илдә хәлдәр шулайыраҡ, нимәһенә аптырарға? Уның ҡарауы, Ҡансыра тигән бренд бар. Ҡайҙа эшләйһең - Ҡансыра подземгазында (былай тиһәң, һиңә көнләшеп ҡарайҙар - ниндәйҙер блаты бар бының), ҡайҙа киттең - Ҡансыра мунсаһына.
Ҡалаға яҡын булыуҙары, барыбер, шәп. Өмә тигәндә лә шәп, Күмертауҙа йәшәгәндәр тиҙ генә ҡайта ла төшә. Аулыда йәшәгәндәре лә әүҙем, ҡырҡ тапҡыр ҡабатлап әйтергә кәрәкмәй. Бигерәк тә Шәбағыш ауылы башлығы үҙе юл башлап йөрөгәс, уғата дәртләндертә. Ҡансыралар өмә яһаған, шулай итеп. Кемгә-кемгә, уларға таҙа йәшәргә кәрәк, брендлы ауыл бит ул.
