Рәхмәт әйткән

Был һыуһаҡлағыс - райондың йөҙөк ҡашы тиһәң дә була, бында кем генә килмәй ҙә, кем генә ҡуна ятмай. Килгәндәрҙең һәр береһенең тәрбиәһе шәптән булмай, үҙ артынан сүп-сар ҡалдыра. Бөтөн бәлә ауыл хакимиәте башына төшә. Кисә, шулай, байтаҡ ҡына кеше, күмәкләп сығып, һыуһаҡлағыс тирәһен йыйыштырғандар. Быуа иркен тын алып ҡалған, хатта тулҡындары менән шыбырлап, рәхмәт тә әйткән.