Ағастар рәхмәт әйтер

Бая ғына бер эш эшләп йөрөй инегеҙ, уныһын тамамлай һалып, икенсеһенә лә тотонғанһығыҙ. Аҡ мәсеттәренең тирә-яғын йыйыштырғандар, янына ағастар ултыртҡандар (үҫентеләрҙе ауылдаштары Айрат Исхаҡов алып биргән). Ауыл халҡы дин йортона килгән һайын, был ағастар әҙәм балаларына сәләм биреп торор - телдәре булмаһа ла үҙҙәренә йән өргән, тәрбиәләгән, баҡҡан заттарға рәхмәт әйтерҙәр.