Көйөргәҙе районында ғаилә «Атайсал» проекты сиктәрендә яңы мәсет төҙөй

Уны «Атайсал» проекты сиктәрендә шәхси эшҡыуарҙар Мәрүәр һәм Фильсон Сәғәҙиевтар төҙөй.

Изге эшкә тотонор алдынан улар ҡорбан салдырып, ауылдаштарын һыйланы, тип хәбәр итте социаль селтәрҙә район хакимиәте башлығы Юлай Ильясов.

«Ошо сауаплы ғәмәлгә үҙ өлөшөн индергәндәрҙең барыһына ла рәхмәт. Изге башланғыс уңышлы тормошҡа ашһын һәм ауыл халҡын һөйөндөрһөн!» - тип яҙған ул.