Яңы йылға - яңы мәсет

Эштәрен яңы ғына башлаған һымаҡтар ине лә. 2023 йылдың ҡыҙыу миҙгелендә (август ине) етеҙ генә сход йыйҙылар, унан күп тә үтмәй, мәсет төҙөләһе урынды йыйыштырҙылар, саҡ ҡына ваҡыттан нигеҙен һала ла башланылар...

Әлбиттә, бөтәһе лә тигеҙ, майланған һымаҡ барманы, быларын беләбеҙ, юлда төрлө ауырлыҡтар барлыҡҡа килеп кенә торҙо. Изге юл еңел булмайҙыр. Әммә, ҡотлоюлдар, атап әйтһәк, Мәреүәр Әхтәм ҡыҙы Сәғәҙиева ғаиләһе барыбер эште аҙағына тиклем алып барып еткерҙеләр. Тиҙҙән Ҡотлоюлда ҙур изге байрам буласаҡ - мәсеттәрен туйлаясаҡтар.  
Әйткәндәй, Айсыуаҡ ауылында ла мәсет төҙөләсәк урында ҡарап йөрөйҙәр. Хәйер, был турала саҡ ҡына торараҡ яҙырбыҙ.