Килге килеп кенә тора

Бөгөнгө көн күҙлегәнән ҡарағанда, бөтөнләй бәләкәй ауыл тиергә була, халыҡ ҡайҙа ла кәмей. Әммә эш ҙур-бәләкәйлектә түгел, халыҡтың сифатынан тора барыһы ла. Ә Яманғолда уңған, иманлы кешеләр күп. Берҙәмдәр. Мәсеттәрен 2019 йылда ғына төҙөй башланылар (элекке Райпо магазины бинаһын мәсет иттеп төҙәттеләр, Райпо ул саҡта йомарт ине, әле, ана, Ҡаҙарма яфалана - ишелергә торған магазинын бирмәй), бынан һуң мәсеттәрендә күпме эш башҡарылды - үҙҙәре белә, Хоҙай белә лә беҙ беләбеҙ (һәр аҙымдарын яҡтыртып барҙыҡ). Әле мәсеттәренә өр-яңы балаҫтар түшәгәндәр. Бәләкәй генә штрих - ә иман йорто ҡалай балҡып китте! 

Яманғолдарҙың мәсеттәре тупһаһын былай ҙа һыуытҡаны юҡ ине, бынан ары халыҡ тағы ла күберәк ағылыр, бындай балаҫҡа баҫҡы йәки ултырғы килеп кенә тора.