Батыр, Яҡут, Яҡшымбәт, Таймаҫ

Федоровка районы Юлдаш ауылы артистары гастролдәргә сыҡҡан, тәүҙә күршеләрендә ҡуйғандар концертты (Батырҙа), бик шәп ҡабул иткән батырҙар был тамашаны, унан Көйөргәҙегә юлланғандар, Яҡутта, кисә Яҡшымбәт ауылында булды концерттары (Филюз Юлдашбаев беҙҙе ҡоҙалай ине, йәл, барып булманы). Бөгөн артистарҙы Яңы Таймаҫта көтәләр. 

Клубтарына, үҙҙәренә аҡса йыйып йөрөйҙәрме? Үҙеңде уйлар заман түгел, юлдаштар махсус хәрбит операцияла йөрөгән егеттәргә ярҙам итәм тип тырыша, барлыҡ килемде, фронтҡа нимә кәрәк, шуға (еткәнсә) тотонасаҡтар. Әйткәндәй, Ф. Юлдашбаев егеттәр янына үҙе барып йөрөй, кем беҙҙең гәзиттең эшмәкәрлеген күҙәтеп бара, шул белә.

Тамашаларығыҙ уңышлы барһын, халыҡ алҡыштарға күмһен, ә иң мөһиме, яуҙа йөрөгән барлыҡ һалдаттар, тиҙерәк ҡайтып, үҙҙәре концерттарығыҙҙы ҡарап, иң тәүге рәттәрҙә ултырһын ине.