Бәхетле булығыҙ!

Илнар Ишбирҙин хаҡында. Әрмелә йөрөп ҡайтҡайны, Омск ҡалаһында хеҙмәт итте егетебеҙ. Ҡайтҡас, аҙыраҡ тын алып, ял итеп, иркенләп йәшәп алыр тиһәк... Бындай егеттәрҙе тик кенә, яңғыҙын ғына йөрөтәләрме ни - Илнар өйләнеп тә өлгөргән. ВДВ-ла хеҙмәт иткән баһадир үҙенә тап килеп кенә торған һылыуҙы иш иткән. Елена. Исеме! Яҡты, йылы ҡояш тигәнде аңлата. Йәштәр өсөн ҡыуанып, уларҙы ҡотланыҡ, бөгөнгө байрам менән дә, бер-береһен табыуҙары менән дә. Ғүмер ҡояшығыҙ мәңге һүнмәһен, үҙегеҙҙе лә, туғандарығыҙҙы ла йылытып, яҡтыртып торһон. Бәхетле булығыҙ, йәштәр!