Биткә һуҡмаһын

Әллә ҡасандан һөйләйбеҙ, беҙ һөйләй торабыҙ, ә улар, ҡарышҡандай, тағы ла ҙурыраҡ булып, үҫә торҙо. 

Ялсыҡай - Таймаҫ юлындағы үҫемлектәрҙе әйтәбеҙ. Бында тауышланып та, ыжлаған кеше булмағас, бер юлы үҙебеҙ Республика Юл идаралығына шылтыратҡайныҡ (хатта ике тапҡыр - былтыр һәм быйыл яҙ айында). Аҡса былтыр бүленде (100 мең һум), эшләмәнеләр бит тип, тегеләре ҡулдарын ғына йәйҙе. 

Ниһайәт, тотонғандар (был юлдың ҡайһы бер участкаһында, ағастар арҡаһында, хатта ике машина бер юлы һыймай башлағайны). Ағастарҙы, алдан вәғәҙә иткәнсә, төбө-тамыры менән алып ташламайҙар, ә остарын ғына киҫәләр. Үтеп барғанда, исмаһам, биткә һуҡмаһын. Әле эште башлағандар, һөҙөмтәһен эштәре тамамланғас күрербеҙ - бит сыйылмаҫмы икән?